Sacco hirukotea lan berri batekin berragertu da
Lehen diskoa kaleratu zuenetik zazpi urte igaro ondoren, Sacco taldea lan berri batekin itzuli da, Basa izenekoa (Bidehuts). Irungo (Gipuzkoa) posthardcore hirukoteak Bonberenea estudioan grabatu ditu diskoa osatzen duten bost abestiak, Karlos Osinaga soinu teknikariarekin. Dagoeneko entzun dezakezu hemen.
Xabi Zabala + Ander Zabalegi + Borja Toval = Sacco (Ainara Torres)
Disko berriarekin batera eszenatokietara itzuliko da Sacco. Azkenengoz duela sei urte igo zen taula gainera. Oraingoz bi kontzertu iragarri ditu, biak Vulk taldearekin: martxoaren 18an Tolosako (Gipuzkoa) Bonberenean, eta martxoaren 19an Irungo Lakaxitan.
