JP Lohian & Klonen Klanak lau kontzertu eskainiko ditu martxoan, iaz argitaratutako diskoa aurkezteko. Oraingoz lau emanaldi hauek baino ez ditu eskainiko Joseba Poncek osatutako taldeak. Hauek dira datak eta lekuak:
martxoaren 16an, Bilboko Kafe Antzokian
martxoaren 17an, Gasteizko Hell Dorado aretoan
martxoaren 18an, Miarritzeko Atabal aretoan
martxoaren 23an, Donostiako Gazteszena aretoan (Ze Premikin!!! jaialdiaren barruan)
Lau musikarik lagunduko diote Joseba Ponceri kontzertuotan: Galder Izagirre (Dut, Kuraia, Berri Txarrak) baterian, Karlos Osinaga (Lisabö) baxuan, Gorka Sesma (Kashbad) gitarran eta Libe Garcia de Kortazar (Neubat, Sorkun, Libe) organoan.
