Iker Martinez eta Zaldi Herrenak-en bideoklipa estreinatu dugu

Joan den ostiralean argitaratu du Iker Martinez kantugile oñatiarrak bere hirugarren diskoa, Hegaldiak. Lehen aldiz Zaldi Herrenak taldearekin batera landu du diskoa, eta Garate estudioan grabatu dute denak batera joz. Lan horretako “Itxi begiak” abestiaren bideoklipa estreinatu dugu gaur. Bertan country talde baten estetika erakusten du taldeak, Iker Martinezek sortutako doinuarekin bat eginez, eta hiru bikote ikus ditzakegu helduan dantzan, bizitzako aro ezberdinetan (gazteroan, helduaroan eta zahartzaroan). Martinezekin batera, Iñigo Ugarte (gitarra), Iñigo Biain (baxua), Joxeba Aranburu (gitarra) eta Jimmy Irizar (bateria) dira bideoklipean agertzen diren musikariak. Egilea berriz, Laszlo da, Laszlo Hace ekoiztetxekoa.