Elkar Estudioa Sesioak, astebururo Hamaika TBn

Elkar diskoetxeak bultzaturiko Elkar Estudioa Sesioak ekimenaren barruan udaberrian grabatutako kontzertuak emititzen hasiko da Hamaika TB asteburu honetan. Guztira bederatzi kontzertu izango dira, eta ostiral gauetan ez ezik (22:00etan) larunbat arratsaldeetan ere (17:30ean) ikusi ahal izango dira.

Hauek dira bederatzi kontzertuen emisio datak eta taldeak:

• Urriak 2-3: Eskean Kristö

https://youtu.be/2PRjfB7Pw2o

• Urriak 9-10: Beñat Igerabide

https://youtu.be/Gx7ypjPwJaw

• Urriak 16-17: 22metrokoadro

https://youtu.be/FANO9ok754Y

• Urriak 23-24: Begiz Begi

https://youtu.be/P50l9MDwzII

• Urriak 30-31: Libe

https://youtu.be/Y6gAvyXqI24

• Azaroak 6-7: Joseba B. Lenoir Gang

https://youtu.be/AbTpJa9nLqc

• Azaroak 13-14: Sueder

https://youtu.be/Tn_0blgTFJo

• Azaroak 20-21: Perlak

• Azaroak 27-28: Lou Topet

Elkar Estudioa Sesioak ekimena iaz jarri zuen martxan Elkar diskoetxeak, lankidetzan Hamaika Telebistarekin. Ibilbidearen hastapenetan dauden talde eta bakarlariei diskoetxearen Donostiako estudio profesionalean jotzeko aukera ematea, emanaldia grabatzea eta hura telebistaren bidez zabaltzea da egitasmoaren funtsa. Iaz bezala, Elkar Estudioa Sesioak-eko bederatzi emanaldietako kantu banarekin osaturiko bilduma argitaratu du Elkar diskoetxeak urrian.

Iaz beste bederatzi taldek hartu zuten parte Elkar Estudioak Sesioak ekimenean, besteak beste, Izaki Gardenak, Seiurte, Kasernarat, Odolaren Mintzoa, Skasti, Aguxtin Alkhat… Emanaldi guztiak hemen ikus daitezke.