Loraldia jaialdiaren barruan antolatutako Badok Geroa hiru kontzertuetako azkena eman zuen Enkore taldeak Bilboko Kafe Antzokian. Emanaldi berezia izan zen, hainbat lagun gonbidatu baitzituen laukoteak taldearekin oholtzan abestera, Aiora Renteria (Zea Mays), Txapelpunk, Iokin Elortza (Seiurte) eta Pello Armendariz (Skakeitan), besteak beste. Kontzertuko irudiekin osatutako bideoa duzue behean.
Hona hemen emanaldiko zenbait argazki.
Xabi Hoo eta Urtzi Iza Enkore taldeko kideak, dena ematen Kafe Antzokian.
Iñigito Arrasate ‘Txapelpunk’ ere izan zen Kafe Antzokian.
Pello Armendariz Skakeitan taldeko abeslariak kanta batean hartu zuen parte.
Kafe Antzokia bete egin zuten Enkore taldearen jarraitzaileek.
Enkore eta lagunak, Bilboko Kafe Antzokiko kontzertuaren amaieran.
