Hasperen lizuna, gurdi irmoa, ostiral eta astelehenen zentzugabekeria, superbotereak, laztan horien hutsunea, zitekeenaren aurkako lasterketa etengabea, mina, zure begiak, erosotasunetik aldentzea, erabaki ausart bat, nintzen, naiz eta tarteko zubia, aldaketa erraldoien ondorio geldoak, egitera ausartu ez zaren gauzen zerrendarengandik eta gatik eta egin dezakezun guztia, nire sudurra, besarkada latz bat, bitartekoen arteko maitasuna, aspaldiko edozer, ezin ezer ziur izan, beste bat, iritsi ez zitzaizun mezua, errepide bustien hotsa, izkin zikinak, ezbehar identitarioak, mugak, baliozkoa dena, beldurrez beldur min, beldurrez maite ezin, elkarrizketa goxoak burukoan, tren geltokiak, mozkorraren gauerdiko korroska, hasperen alaiak, mototsak, gutxietsi lehenik iraultzeko gero, epifanien entsegua, inprimatutako argazkiak, gutxiegi lo egitea, gehiegi itxoitea, orgasmo bat, musu-lepokoak, gau epelen betirako lasaitasuna, gure arnasak, bi orgasmo, hirugarren baten posibilitatea, erlojuen dinamika, aukerazko apatia, zauriak, garrantzirik ez dugula gogoratzea, ileak, hilak eta hildakoak, kuttun dudan oro, zu, gu eta ni nahastea, barre algarak, iritzi eta gertakizunen arteko distantzia, esan nahi dudanetik esaten dudanera, ezjakintasunaren erantzukizun ederra, adarrarteko eguzki izpiak, itsasoak busti duen azala, hirietako ibaien koloreak, agian, ezer esatea eta nahiko, beharreazkoa dena, goizean goiz edo hamabi kantu.
