Maiz gertatu zait lagun batekin hizketan, kontzertu batera nihoala esan, playlist honetan agertzen den izenen bat bota, eta ezjakintasunez galdetzen dizu, ea zein musika egiten duen. Playlist hau egiteko duda asko izan ditut. Abestiak gustukoak izatea ezinbestekotzat jotzen dut, baina denak batzen dituen zerbait behar, eta zeri heldu jakin ez. Azkenean erabaki dut. Maite ditut beraien musika plazaratzeko izen-abizen propioak erabiltzen dituzten artistak. Zergatik? Izen-abizen horien atzean ez delako egiten duten musikaren arrastorik ageri, beti ere artista ezagutzen ez baduzu. Neuk ez dut neure izen-abizen propioa inoiz erabili, beti alter-ego baten atzean ezkutatu naiz, zergatik ote? Izen-abizen arrunten atzean arte asko dago, musika egiteko eta ulertzeko modu ezberdinak daude. Playlist hau horren adibide da.
