Euskal musika parla en català

Badok

2015.12.14

Aste honetako gure kantu zerrenda Kataluniara begira jarri da, Diadaren ospakizuna dela eta. Katalanez abesturiko kantuak bildu ditugu.

ENTZUN

Petita festa - Jabier Muguruza(Hitzak: Maria Manent-Musika: Toti Soler)

Assentiré de grat - Mikel Laboa(Hitzak: Salvador Espriu-Musika: Mikel Laboa)

Lligams - Rafa Rueda(Hitzak eta musika: Rafa Rueda)

On vas - Mikel Urdangarin(Musika eta hitzak: Mikel Urdangarin)

Poema dels oprimits - Ken Zazpi(Musika: Beñat Serna, Jon Mikel Arronategi, Eñaut Elorrieta-Hitzak: Jon Mikel Arronategi, Eñaut Elorrieta)

Sols el poble salva al poble - Berri Txarrak(Musika eta hitzak: KOP)

L'estaca - Betagarri(Musika eta hitzak: Lluis Llach)

No tinc remei - Esne Beltza(Hitzak eta musika: Sergio Ordoñez)

A Margalida - Gorka Knorr(Hitzak eta musika: Joan Isaac)

Avui tambe - Mugaldekoak(Hitzak: Miquel Martí i Pol / Itzulpena: Edu Zelaieta)

Tan petita - Jabier Muguruza(Hitzak: Maria-Merçè Marçal-Musika: Jabier Muguruza)

Instants del temps - Ken Zazpi(Hitzak: Gerard Quintana-Musika: Josep Maria Thio)

Canço a Catalunya - Xabier Lete(Hitzak eta doinua: Xabier Lete)

Jabier Muguruza, "Petita festa": Toti Solerrek 1968an argitaratutako kantuaren moldaketa egin zuen Muguruzak Enegarren postala diskoan (2003). Letra Li Po poeta txinatarraren poema batekoa da, Maria Manent-ek itzulia.
Mikel Laboa, "Assentiré de grat": 1966. urte inguruan sortu zuen Laboak kanta hau, Salvador Espriuren poema batean oinarriturik, Kataluniaren omenez, baina ez zuen 1994. urtera arte grabatu, 14 diskoan.
Rafa Rueda, "Lligams": Kataluniako merkatura begira, Zuhaitz okerretan gora noa (2008) diskoko bi kanta katalanezko bertsioan grabatu zituen Rafa Ruedak: "En deute amb les fotografies" ("Argazkiekin zorretan") eta hona ekarri dugun hau: "Lligams" ("Loturak")
Mikel Urdangarin, "On vas": kantari bizkaitarrak Heldu artean diskoan grabatu zuen katalanez idatzitako kanta hau.
Ken Zazpi, "Poema dels oprimits": Kataluniarako propio egindako Gelditu denbora diskoaren berrargitalpenean bi kanta hango hizkuntzan grabatu zituen taldeak. Horietako bat da "Poema dels oprimits" ("Zapalduen olerkia"). Bestea, "La lluna" da ("Ilargia"). Argiak diskoarekin errepikatu zuten ideia: "Compta-hi" ("Noizbait") eta "A Gernika" ("Gernikan") grabatu zituzten katalanez.
Berri Txarrak, "Sols el poble salva al poble": Bartzelonako KOP taldearen Nostrat diskoan parte hartu zuen Berri Txarrak-ek, 2007. urtean, kanta honekin.
Betagarri, "L'estaca": Lluis Llachen kantu enblematikoaren ska bertsioa egin zuen Betagarrik Arnasa hartu diskoan (2002).
Esne Beltza, "No tinc remei": La Pegatina taldeko Adria Salas eta Ruben Sierrak kolaboratzen dute Esne Beltzaren kantu honetan.
Gorka Knorr, "A Margalida": ugari dira Gorka Knorrek katalanez abesturiko edo katalanetik moldaturiko kantuak. Gehienak Arimaren zubiak (2005) diskoan jaso zituen: "El setè cel" (Jaume Sisa), "D'un temps d'un pais" (Raimon), "El testament d'Amèlia" (Herrikoia)... Haatik, Joan Isaac-en Duets diskoan egindako kolaborazioa ekarri dugu zerrenda honetara.
Mugaldekoak, "Avui tambe": Miquel Marti i Pol-en poema bat errezitatu zuen Edu Zelaietak Mugaldekoak-en lehen diskoan.
Jabier Muguruza, "Tan petita": Maria Mercè Marçal poeta katalanaren omenezko diskoan (Maria Mercè Marçal. Catorze poemes, catorze cançons) grabatu zuen Jabier Muguruzak kanta hau. Ondoren, Taxirik ez diskoan (2009) argitaratu zuen.
Ken Zazpi, "Instants del temps": Sopa de Cabra taldearen omenez egindako Podré tornar enrere diskoan parte hartu zuen Ken Zazpik, beste hainbat talderekin batera.
Xabier Lete, "Canço a Catalunya": Ez Dok Amairuren garaitik euskal kantariek Kataluniarekin izandako harreman estuaren lekukotza gisa, kanta hau idatzi zuen Xabier Letek, eta Lore bat, zauri bat (1978) diskoan grabatu zuen.