Denboraren nozioak laguntzen gaitu gure bizitza antolatzen.
Denborak laguntzen gaitu gure eguna egituratzen.
Zer eginen dugun aukeratzen dugu denboraren arabera eta denbora falta denean, zeri erranen diogun ezetz erabakitzen dugu. Bada, kantu askori ezin diegu ezetz erran.
Pertsonalki, goizean, kafe bati ezin diot ezetz erran; 2-3 minutuko gauzei ezin ezetz erran, kostatzen zait ezetza ematea. Droga kafeinadun horrekin gertatzen zaidana gertatu ohi zait kantuekin. Maite ditut 3 minututik gora egiten ez duten kantuak, beti baitago haiendako denbora, egunero ditugulako 12 minutu hiruzpalau kantu entzuteko, droga dosi horiek hartzeko, pilula horiek hartzeko.
Pilula horiei ezin diet ezetz erran, kantu hauei ezin diet ezetz erran.
