Astelehena da abesti zerrenda honen protagonista. Kanta hauek ez daude estilo edo gai bati lotuta, Astelehenak bezala, beraien artean ere desberdinak direlako.
Astelehenak gogorrak, motelak dira normalean. Zalantzak, amorrua, tristura dakarzkigute, batzuetan arin, besteetan astun, ia denek ostiralei zeharka begiratzen diete. Errutinaren hasiera dator beraiekin eta depresio antzeko sentsazioa islatzen dute.
Baina Astelehenek, hasiera bat diren heinean, freskotasuna, hobekuntza, bide berrien grina ere barruan dakarkigute.
Nabaria da Astelehenek gure emozio ozeano barrenetan ongi moldatzen jakin badakitela, hor barruan gure baitan daukagun musikarekin ederki dantza egiten dutela eta gure sentipenak azalarazteko gaitasun handia daukatela.
Azken finean, Astelehen urdin bat musika dastatzeko egun perfektua da.
