Espainiako Gerran erahildako hiru sortzaile —Lauaxeta, Federico García Lorca eta Nikolas Lekuona— omentzeko egitasmo baten barruan sortu zuen Xabi Strubellek, Dut taldeko kide ohiak, Zura. Flamenkoak, rapak, rockak eta musika elektronikoak lekua zuten Ilargi handi, zauri zarae izenburuko diskoan. Aldiz, bigarren diskoan (Kiribil) bossa doinu akustikoetara jo zuen Hondarribiako taldeak, eta hirugarrenean, Egunkari ezkutua-n, rock doinuetara itzuli da.