Zaborra

Arrainentzako polimerozko hiriak 
Elefanteen hilerriak dira baso berriak 

Igel zaharrak itzal baten bila besterik ezean 
Euliak ere ez dira hegoak mugitzeko gai 

Dordoka jauna azkenetan, basamortu esferikoan, 
iragarriz ez dagoela bigarren aukerarik 

Nagikeria nagusi, kondaira axioma bilakatuz 
Termometroak gainezka eta merkurioa zainetan 

Azazkalak hazten ikusteko nahikoa denbora 
Oxigeno eza garunean, edo garun eza buruan 

Euriak iraganez jantzi du eguna 
eta ni, zaborra bezala 
euria egiten duenean soilik naiz zoriontsu 

Iragarriz ez dagoela bigarren aukerarik 
Ez dagoela bigarren planetarik