Gauez pentsatzen direnak

Zeru ilunak hitz larritan dakar galdera 
Euri-balen moduan 
nola neurtu norberaren zeresana 
datorkion patuan? 

Jarri margo batzuk mahaian 
ikusteko 
Zein inozo nintzen 
Hain inozo nintzela ez nekien garaian 
Oraina ez baita 
Tonu horiekin puztu nuen paisaia 
Garaia dudala onartzeko 
Errena dela denboraren nahia 

Beste behin gaztaroa erre dut, biriketan gorde 
Kez bete arte nostalgiaren beharra 
Begi gorriz errepikatu dut 
Irribarreak direla baliozko neurri bakarra 

Ezer ez baita apartekoa izatez, Ezer ez baita apartekoa izatez 

Erabiltzen den kolorekoa da