Zikloak

Ah! Zikloak

Zirkulu itxi batean
bidaiatzen ari garenak
ez dugu espero aldaketarik

Norberaren bideak
zentzu bat hartu eta gero…

Ustekabean
heltzen da
berriz helmuga
ziklo berri baten hasiera

Ah! Zikloak
hasi eta amaitzen

Ate bat ixten denean
beste bat zabaltzen da aurrean
bidaia berri baten hasiera
aurrerantzean zer den jakiteko irrika
malenkonian bilakatzen da
atzera begiratu ahala

Bakarrik bizitzeak
ikaratu egiten nau
ohitura falta baino gehiago den kezka

Ah! Ene iragana

Zurekin gogoratzen naiz
gaueroko hotzetan,
bideak argitzeko,
iluntzen duenean
arnastu ahal izateko
itotzen naizenean,
desio hau eskatzeko
putz egitean