Izu gabe

Aizkora enborrean,
labana sahietsean,
oiartzuna zuloan,
su makila izotzean.

Geldigaitzezko urratsak,
maldan gora urratsak
beltz lohizko ibaian gora
miseriazko itsasoa erdibituaz
piztiaren zintzurrean behera.

Lepoan udaberria,
lorezko udaberria,
ahizpa baten keinua,
indar eta oihua
piztiaren zintzurrean behera,
piztiaren zintzurrean behera
izu gabe bide bakarrean
izu gabe eguzkirantz.

Piztiak jan nahi gaitu, jan plastiko beltzetan.
Piztiak jan nahi gaitu, gure egia ordea murtxikagaitza da.
Hobi luze eta hezea hau, bizitza oso baten zama eta tristura
atzean utzi eta eguzkiaren epeletan elkartuko gara,
eguzkian,
izu gabe eguzkian.