Krisalida

Han zure aurrean duzuna
ez da argi ikusten baina
ikasi dut ez dela horren mingarria
zu izatea

Hor bizkarrean dituzun
bagaje guztiak utzi
eta entzun kolpeka
itsasoa zure hormaren kontra

Euriak garbitu zaitu
bihar esnatuko zara
erori zaizkizun hostoetan

Bai zaila dela badakit
baina hartu arnasa hastera zoaz

Euriak garbitu zaitu
bihar esnatuko zara
erori zaizkizun hostoetan

Bihar esnatuko zara…
Etzi esnatuko zara…
Etzi esnatuko zarela