Elefanteen hilerria

Ez dakigu zein den gure lekua
aldiz, argi dut azken momentua
nora, nola ta norekin hilko naiz
Ikusi dut non izango den nire joana

Hemen nago, pantailaren aurrean
ilunpetan, zerbaiten esperoan
maleta bat desegin gabe baina
ez dago ezer gaur hemen lotzen nauenik

Zu nora joango zara bukatzera
Nora joan nahi duzu hiltzera
Zein da zure esan gabeko heldulekua
Zein da zure elefanteen hilerria

Ikustean aspaldiko argazki hauek
inozoki salbu sentitu ginen
orain dakit ezin dela inoiz eten
zilbor hari luze hau, itxi behar dugula