Maleta zaharra
Maleta zahar baten daramatzat
tolestuta nire esperantzak
behin zurekin eman nituen arratsak
aberria, giltzak (e)ta zalantzak.
Neurekin doa, neure gogoa, edonora.
Maleta honetan daramatzat
desagertutako iparrorratzak
nirekin datozen nire akatsak
aberria, giltzak (e)ta zalantzak.
Neurekin daramat,
eskuetan daukat,
zurekiko egarria,
bizi dudan aberria.
Maleta zahar baten daramatzat
tolestuta nire esperantzak
lagunekin eman nituen arratsak
aberria, giltzak (e)ta zalantzak.
Neurekin doa, neure gogoa, ia edonora.
Maleta zaharrean
zoko bazterrean
hor nire hegoak
aberri, giltzak (e)ta zalantza zaharragoak.
Aldean daramat
asetzeko daukat
zurekiko egarria
bizi dudan aberria.
Aldean daramat
askatzeko daukat
zurekiko egarria
bizi dudan aberria.
