2019.10.18
Sutan

Sutan

Suran 2014. urtearen erdialdean sortutako musika taldea da. Bi urtez taldekideen joan etorria egon ostean, taldea finkatzen da, gitarra, baxua, bateria eta ahotsaz osatuta egonda. 2016. urtean, lokalean abestiak konposatu eta moldatzen egon ostean, euskaraz sortutako abestiez osaturiko kontzertuak ematen dituzte, eta Azkue Fundazioak antolatutako Banden Lehia txapelketan hirugarren postua lortzen dute, ikusleen talde gustukoena izanda ere.
2017. urtean Askapeña konpartsaren txosnan jotzeko proposamena jasotzen dute, bi taldekide (perkusioa eta teklatuak) gehitzeko momentu ezinhobea aprobetxatuz, zuzenekoari itxura fresko, potente eta berritua emanez.
2018. urtean taldea are gehiago handitzeko erabakia hartzen dute, momentu honetan hau izanda: Aitor bateria eta koruak, Aragón perkusioa eta koruak, Segura gitarra, Salsi baxua, Jonatan teklatuak, Alain ahotsa eta dultzaina, Kerejeta saxofoia, Maitane tronpeta eta Isidro tronboia. Gutxika taldea bere lekutxoa hartzen doa eta kontzertuetan erakutsitako indarra entzuleen artean gero eta nabariagoa da.

Atzera

Aurrera egitea

Atzera

Nahiko bizirik

Berriz ere ezustekoan, harrapatu egin zaitu
Berria ez den bizipen honek, loezinean uzten zaitu Hurrengokoan prest egongo, zarela uste duzun arren
Ziur espero gabe, hartuko zaituela, hartuko zaituela

HERIOTZA IKUSI DEZAKEZU, MAITASUNAZ HIZKETAN
ZERUA ITSASO BIHURTZEN DEN, MUGA SENTI DEZAKEZU
NERABEZAROKO MAITASUN GAUAK BERRESKURATUZ
IKUSTEZINA IZANDA NAHIKO BIZIRIK ZAUDELA BADAKIZU

Labekada berri guzti hau, kanpora botatzear
Gorputzetik odola ez ezik botatzen duzunean
Miseria faltsuak bakarrik dauzkazun guztietan
Norbait itotzen ta astintzen, saiatzen garenean, saiatzen garenean

HERIOTZA IKUSI DEZAKEZU, MAITASUNAZ HIZKETAN
ZERUA ITSASO BIHURTZEN DEN, MUGA SENTI DEZAKEZU
NERABEZAROKO MAITASUN GAUAK BERRESKURATUZ
IKUSTEZINA IZANDA NAHIKO BIZIRIK ZAUDELA BADAKIZU

Hodeiak zure etxean, pilatzen saiatzean
Baita izarren bitartez, zure barruko argi guztiak piztean
Sorpresaz beteriko gunean, gezurrezko ilusioak aurkitzean
Imaginatu gabeko herrialde, guztietan

HERIOTZA IKUSI DEZAKEZU, MAITASUNAZ HIZKETAN
ZERUA ITSASO BIHURTZEN DEN, MUGA SENTI DEZAKEZU
NERABEZAROKO MAITASUN GAUAK BERRESKURATUZ
IKUSTEZINA IZANDA NAHIKO BIZIRIK ZAUDELA BADAKIZU