Musikaz gozatu

Atzera begiratzen jarri zaigu burua
nahiz eta jakin ez dela ekintza oso segurua
Sirokak sortutako bizipen eta girua
izan zen hasieratik guztion helburua

Lau lagun bildu ginen, desberdinak benetan
sortutako txinpartak jarri gintuen sutan
entsaioak sarritan kontzertuak jaietan
gehiago ez zen behar hasteko ametsetan

Gozatu, dantzatu, musikaz zoratu
Dantzatu, gozatu, musikaz askatu

Beltza eta gorria dira gure kolore
mikroa, bateria eta anplifikadore
txaloak entzutea guretzat bai ohore
aurrera jarraitzeko, ez emateko amore

Poztasun sentsazioa zor diegu denei
horregatik eskerrak entzule guztiei
muxurik handiena lagunak direnei
gertu zaudetenei eta urrun daudenei

Gozatu, dantzatu, musikaz zoratu
Dantzatu, gozatu, musikaz askatu