Oinutsik

Oinutsik zoaz ihesean 
Lagunik gabeko mundura 
Harriz betetako hatuetan 
josi ez duzun urradura. 
Dardaraz pasatzen da 
nork besarkatuko esperoan 
sugarrez beteriko gauak 
ezezagun baten alboan. 
Galdu egin al zara neska? 
Non ote duzu burua? 
Nork eskainiko dizu berriz 
erreginen gaztelua? 
Zeren bila zabiltza 
Guztiz galdurik zentzua 
Ahastu itzazu amets eroak 
ta ordainik gabeko sexua. 
Inoiz baino beteagoa 
ikusten zaizu kanpotik 
hortz beterik duzu ahoa 
barruan lastoz osorik. 
Galdu egin al zara neska? 
non ote duzu burua? 
Nork eskainiko dizu berriz 
erreginen gaztelua?. 
Ez al zara ohartuko 
bizitzak duen zentzua 
ez da errotak akabatzea 
zaldun ero koitadua. 
Galdu egin al zara neska? 
non ote duzu burua? 
Nork eskainiko dizu berriz 
erreginen gaztelua?