Eresi

herri hautetsi errespetatu sorlekuen saltzaleak
adizkitzue lurreko haurren eresimin galtzaleak

arras ederki zaintzen duzue diru interes lodia
armen indarrez ebatsiz gure gazten ahotik ogia

udako sasoin nagusi hartan herriko adiskideak
hotelak garbitzen ari dira: esklabotasun bideak

gutako bakar batek gauean zartagailuen haserrez
badu kolera agertzen zuek kexatzen zarete errez

aiseago da menturaz orainbatzuek preso hartzea
eta besteak baionatik han doan trenean sartzea

euskal herria agoni zelai galanta duzue egin
pazifikatzen jarrai zazue herioaren atsegin

oldarrik gabe uler dezagun zuen diskurtsoen fina
betiereko loak har gaitzan emaiguzue morphina