Nigara Zuek Ander Fernandezen bakarkako proiektua da. Teatroa, poesia, zirkoa eta dantza ikuskizunen artean ibiltzen da zuzeneko musikari eta sortzaile. Muskulo taldean ere ibiltzen da. “Zer falta zaizu?” diskoa plazaratu zuen 2016an, gitarra eta ahotsez jorratutako azken urte hauetako kantu bilduma. “Zabortegitik salbatuak” da bigarren diskoa. Lehenengoaren soiltasuna atzean utzi, eta tresna ezberdinekin jolasean aritu da. Zabortegitik jasotako piano elektroniko zaharra izan da aitzaki eta abiapuntu kantuok sortzeko.