Euskaraz stoner rock musika jorratzen lehen taldeetakoa izan zen Gasteizko Neubat. Gerora beste hainbat talde (Trumbo, Vice Presidentes, Tutan Come On…) sortu dituen musikari bat zegoen taldekideen artean, Oscar Conde ‘Kanda’. Laukoteak bi disko grabatu zituen eta Sorkun kantariari lagundu zion diskoen grabazioan eta zuzeneko emanaldietan. Libe Garcia de Cortazar teklistak Izaki Gardenak taldean jotzen du eta bakarkako lehen diskoa kaleratu du 2014an.