Norantza bakarra galbidea?
Azeri zuria ilunabarrean, lorratzak orbelan desagertzen badira.
Gauean izaki setatsua bazterrak miatzen ari da, beharrak eraginda. Amorru orruek bidea markatzen diote, norantza bakarra galbidea?
Irmoa den arren, beldurrak giharrak tenkatzen dizkio izerdi beltzetan.
Letagin zorrotzak, distira, lanbroa, galduta dabilen zoriaren orroa.
Ilargi argitan, itzal bat ageri da. Agian oraingoan aukera izango du. Izarrek diote bakarrik daudela, bizitza lehia honek atsedenik ba ote du?
Zelatan, zelatan, zelatan, zelatan...
