Martxoak 31

1937ko martxoaren 31n gertatutako Durangoko bonbardaketatik hartu zuen izena talde honek. Ermuko Lehiaketa irabazteari esker, hiru kantu grabatu zituen single baterako, eta ondoren bi maketa plazaratu zituen, horietako bat Non Demontre taldearekin partekatua. 1996an banandu egin zen taldea, baina 2007an berriz elkartu zen kontzertu bakarra emateko, bonbardaketaren 70. urtemugan. Emanaldi hura zuzeneko disko batean jaso zuten.