Zu ta ni

Ekialdetik haizea.
Zerua argituko duen
itxaropen betea.
Itsas-txoriak airean kantari.
Eta gu,
amildegi ertzean begira, kezkati.

Herri libre batean amestu genuen.
Ez hesirik; ez eta mugarririk;
ez debekurik.
Egunak aste,eta asteak urte,
bata bestearen babesean,
itsaso, olatu artean.

Euri hodeiak datoz mendebaldetik,
eta gu, ekaitzaren aldean,
noraezean.
Mugaren hesi arantzadunen azpitik,
gerra eta gosetetatik
ihesean.

Zu eta ni,
bizirauteko bidean bakarrik.
zu eta ni,
esperantzaren harian zintzilik.
Eta zuek gu,
amildegiko ertzera itzuliz.