Heart Blues

Nahiko nuke kanta bat idatzi
zure bihotzaren eta nirearen erritmora.
Taupada urduriak nahastuz,
Sortu bateria ezohizko bat. Lotsazkoa.

Nota bat eta bertze bat
kateatuz airean,  kateatuz mingainetan.
Blues doinu sentsuala, astiroa. Astiroa.
Disfrutatuaz aurrena.

Gitarra baten soka ezegonkorretan
igo, jaitsi, eskuak lotarazi.
Ta dantza nahiko nuke
musikaren gainetik, barnetik;
osatzen dugunean gure doinu  intimoa.

Noten artean nahasturik
Zugana hurbilduko naiz,
Isilka hurbilduko naiz.
Noten artean nahasturik
ikusezina bainaiz.

Baikara.