Zulo bat gehiago
Eraman nazazu, hemendik urrun
jada berdin zait nora
Ez galdetu nor, ez galdetu nondik
zuretzat ez da ona
Bidean tabernarik bada nahi dut
zerbait eraman ahora
Tratu bat egin, hitzik ez esan
eta azkar joango da denbora
Sororitateak gelditu zaitu
neska eri bat hartzera
Soroek aldiz ikusi naute
neska ero baten antzera
Hor atzeko argi urdina da nik
uste dudan hori bera?
Irudipena izan da soilik
Ez egin galde eta eman!
Ez egin galde eta pedalari eman!
Zulo bat gehiago egin
didate eta orain hortik ihes doaz
nire haurtzaroa eta
zutik mantentzen nauen zuhurtasun apurra
Eta enegarren aldiz
galdetu didazunean berriz
nola iritsi naizen hona
amore eman, ba esango dizut
ez da istorio sakona
Duela bi egun tipo bat hil nuen
ez dut gogoratzen nola
Kuleroak jaitsita nituen
eta labanean odola
Uste dut zer egin zidan esateko
beharrik ez dagoela
nahiz eta dakidan esanda ere
ez duela batere axola
Azkenean ni izango naiz lehena
ezagutzen kaiola
Zigarroari zupada eman eta
Ez egin galde! Ez egin galdera gehiago
Ez egin galde, eta pedalari eman!
