Hegaldia

Lima bat artez egina metxeroen erroberez,
denbora probetxuzkoa da atsedenetan.
Gaur da bidaiaren gaua, urratu dut burdin-barra,
burrunba-reber ozenak korridorean.
Salto luze batez jo dut patiora,
ikusi ote nau garitakoak…
Norantza asmaezina, uralitaren lurrina,
arnasestuka heldu naiz hesi aurrera:
gora begira izarrak, gure artean orratzak,
hatzak ebakiz pasa naiz beste aldera.
Denak esnatu dira, gaur zerbait gertatu da.
Batzuen garrasiak, besteen hegaldia.
Lima bat artez egina metxeroen erroberez,
ahalegintzea ez da aukera txarra;
piztu daiteke txinparta gauza txikien indarrez:
gora begira izarrak, soilik izarrak!!
Denak esnatu dira gaur zerbait gertatu da.
Batzuen garrasiak, besteen hegaldia.