Emaztearen lehengusua

15 urterekin mutil bat ezagutu, 
23rekin berarekin ezkondu, 
28rekin 3 seme-alaba, 
32rekin grina ezezagun bat, 
Gauetan ahal duenean ateratzen hasi da, 
ez dauka frenurik maitasun kontuetan, 
eta senarra konturatu da 
(baina ez dute banatu nahi) 
emaztearen familiaren bazkari batetan, 
horrelakorik ez dezu ikusi sekula, 
hortxe eserita gizon bat etsita, 
eta ondoan sua, emakumez jantzita, 
benetan, ez al dira konturatzen besteak? 
bera behintzat segituan konturatu da, 
zure aztoramen eta begiradaz, 
(baina gero denak etxera) 
Ez dezu ikusi hilabete batzuetan, 
baina emazteak esan dizu ezkontzen da anaia... 
ta hantxe dago bera, 
ta hasi dira jotzen musika, 
dantza egin nahi dezu? galdetu dizu derrepentean, 
eta zu, sekula dantzan egiten ez dezun hori, 
hasi zara berarekin dantzan, 
urtzen, sutan, dantzan, satan, dantzan, urtzen, 
ta emaztea daukazue begira, 
harrituta jarraitzen zuen jirabirak, 
ez dezu edukitzen halako griña, 
goizean zeneukan kriston buruko miña, 
ezkontza bukatu, berriro etxera, 
eta ez dezu gehiago ikusi sekula, 
eta galdetzen diozu zure buruari, 
zer zen hura, zer zen hura.....