Aberastu beharrez munduz dabilanak
ikusten ditu gaitzak atsiak emanak:
arrosak arantzea bethi du gordetzen,
arbola ederrenak ongarri itzaltzen.Utzi dute etxea bere haurridekin,
Ikusi herioa hurbil pirpirekin,
itsas gaitza iragan, pasatu ekhia:
eskaldunei erakuts bilhatu hiria.
Hiri, larre, baratze edo oihanean,
guziak bere alde emanak lanean,
ephe luzez lagunek ez ikhusten elkhar,
eta aberasteko hainitz urthe behar.
Traba, traba gazteak herria hustetik,
Ahalaz ekhar-arraz Montebideotik;
Ethortzean untziez gateko elheak,
galde noiz diren heldu sobra gan bertzeak.
