Partitu nintzen herritik

Partitu nintzen herritik zuri promesa emanik
Enetzat fidel egon zinten ongi gomendaturik
Ez duzu egin kasurik!

Fidelik ez egoiteko ez dut ez nik arrazoinik
Ene bihotza zuk daukazu arras enganaturik
Hortaz ez izan dudarik!

Partitzean eman nauzun seinaleño bat nik zuri
Seinaleño hura nik orai nahi nuke ikusi
Ez baduzu eman nehori!

Zuk eman seinale hura ez dut eman ez nehori
Begiratuko ere nuen ez balitzeraut hautsi
Egin zaut bi zati!

Nik eman eraztun hura ez zuzun bada kobria
Ez zen eta ere zilarra, bainan zuzun urria
Diamantezko begia!

Amodiorik bazinu zuk, batere enetako
Poxiak bilduren zintuen niri erakusteko
Ni satisfos egiteko!