Laguna

Laguna
zure alboan nago etzana
Eguna
Hiltzen ari da, ilargirik gabeko
gau alarguna

Ezezaguna
bidelaguna dugu maiz
zeru izarduna
orain zu gabe kontenplatzen hasi naiz

Eta lotzen, lotzen gatzaizkie
Izatearen aldaxka igartuei
Jakin gabe, jakin gabe zer ote den,
zer ote den oraino, hor berean

Iluna
bizitza amaitzerako oihua
Ilunagoa
heriotzaren oihartzuna

Eta lotzen, lotzen gatzaizkie
Izatearen aldaxka igartuei
Jakin gabe, jakin gabe zer ote den,
zer ote den oraino, hor berean
Lurrerantz, emeki hegaldaka
betiko pausatzeraino orbelean

Begiak hetsi dituzu doi-doia
ta zintzurra tinkatu zait
orenez oren hurbiltzen zaigula
irentsiko gaituena