Oraina

Hizkuntza 
Esan orduko zahartzen denez, 
Sorkuntza 
Aldarrikatzen dugu hemen. 

Etorri 
Sentimenduaren garaira, 
Askatu 
Gogoz beteriko indarra. 

Pasioaren bizitasuna 
Uneoro elikatzen da, 
Ezerezetik infinitura 
Sormen eroaren bulkadaz. 

Ez dut nahi 
Ez dut nahi… 
EZ DUGU NAHI! 

Pentsamendua atzetik doa, 
Filosofatzea nekeza, 
Emaitzarik gabeko kalkulua, 
Ez dadila izan bizitza. 

Hemen ta orain garelako, 
Besterik ez dugulako, 
Ez gara lasai geratzen, 
“Biziraun” huts batekin. 

Eta beharraren nahia da, 
Hitzez esaten duguna, 
Eta beharraren nahia da, 
Mugitzen gaituena. 

BIZI. 
HIL. 
AURRETIK. 

Zain. 
Ez egon zain. 
Zein. 
Zaren badakizu eta. 

Zu! 
Ta ni! 
Berdin gaude 
Harrapatuta 
Fikzio honetan. 

Den denbora 
Den denborara 
Den denbora 
Den denbora da.