Gau alaiak vs. goiz goibelak

Igandea ate joka dut pertsianako zirrikituetatik
“Altxa zaitez alfer hori!” oihukatuz leihoaren bestaldetik
Atzo jainko izatera jolastu genuen eta gaur berriz
Deabruak infernura eraman nazala berarekin, berarekin!

Beti gazte izango ginela zin egin genion elkarri
“Eta bihar zer? Guri bost!” altxa kopak, topa orainari
Bart heroiak izan gara, gure hiriko kaleetatik
“Nahiko!” Aski dela esan diot esnatzean nire buruari.

Gau alaiak goiz goibelak, betikoa, beti berdin
Asteroko lezioa ez dut oraindik ikasi, ez dugu ikasi!

Indarrek botata utzi naute
Seigarren martxa sartu genuen beldur barik
Ez genuen jakin garaiz balaztatzen
Lagun arteko tragoei ezetz esan ezin
Orain hemen nago sabaiari so
Nagiak kentzen saiatzen biharamunari
Gauarekin joka egunak niri gol
Huts eta bat, benetan, ez dut tranparik egin.

Gau alaiak goiz goibelak, betikoa, beti berdin
Asteroko lezioa ez dut oraindik ikasi, ez dugu ikasi!

Gau alaiak, goiz goibelak…