Heldu
Gaur gorputz soila banaiz ere,
gaur begirada galduek laztandu naute,
gaur bihotza mutu bada ere,
eztandaren ondoren bizirik nago bederen.
Gaur berpiztu nahi badut ere,
gaur desira daukat nire nahia sustatzen,
gaur kemen bila banaiz ere,
haizearen bultzada behar dut errota batek lez.
Zure ezpainak sentitu nahi ditut nik,
zure gorputz biluzia berriz,
hitz egin gabe elkar ulertuz guztiz,
eta garen moduan elkarrekin ekin.
Entzun, orain bakarrik entzun.
Jada askatu gara, urrundu gara berriz batzeko.
Heldu, orain eskutik heldu.
Jada baretu gara, heldutu gara, berriz batzeko.
