Nora goaz?

Zenbat egun, zenbat urte
mundu krudel honetatik
aterako gaituen trena itxaroten.
Iragana utzi, martxan jartzeko unea da
guk ez badugu egiten nork egingo du ba?

Telebista jarri, nazkatzen nauten berriak
Indarkeria sexista, arrazakeria
Ta kezkatzen nauen galdera bat dut buruan
Aurrera beharrean, atzera al goaz?

Guk argi dugu zein den gure helmuga
Horren bila goaz ta ez dugu egingo atzera.
Zuk argi duzu zein den zure helmuga
Bidea luzea da ta, goazen guztiok batera.

Bete oraina elkartasunez
Iragana oroitzapenez
Geroa desio, amets
Anaien/Arreben irribarrez
Beti aurrera, atzerapausorik ez
Beldurrik gabe, adorez
Etorkizun berri baten bila
Kolore anitzez, berdintasunez

Euren besaulkitik justiziaz mintzo dira
Denok berdinak gara, denok pertsonak gara.
Baina zail da sinisten milaka heldu ta ume
Itotzen ikustean gure ateetan.