Sua

Lore ederrenak ere usteltzen direla
beranduegi ikasi genuen.
Begiak ixtea ez zela
sekula nahikoa desagertzeko.

Nola aurkituko dugu
bueltatzeko bidea oinatz guztiak
ezabatu badira

Hautsa izateko jaio
garela diozu.
Ni zurekin
erre nahiko nintzateke
kea izan baino lehen,
sua.

Itxaropena ere agortzen dela
patuak irakatsi zigun.
Ukabilak estutzea
ez dela nahikoa ezer lortzeko.

Nork eramango gaitu
berriro izarren intziri
ankerrak entzutera.

Hautsa izateko jaio
garela diozu.
Ni zurekin
erre nahiko nintzateke
kea izan baino lehen,
sua.

Zauriak miazka
egunsenti maiztu honetan.
Ametsak kiskaltzen esku artean,
gure adore eza.

Hautsa izateko jaio
garela diozu.
Ni zurekin
erre nahiko nintzateke
kea izan baino lehen,
sua.