Hegoak

Paradisuan atzerritarra.
Hilotz galdua bazterbidean,
izan nahiko zinen.

Infernura bueltatzeko
bidea dakizu.
Estoldetan bizitzeko
zure hegoak ebaki, moztu, dituzu.

Eguzkiari bizkarra eman,
iluntasuna besarkatzeko,
ez lokartzeko.

Zure espainak nire odolez
margotu dituzu.
Eta zerua zutaz ahaztu
zela ohartu zinen.

Infernura bueltatzeko
bidea dakizu.
Estoldetan bizitzeko
zure hegoak ebaki, moztu, saldu, erre, hautsi, dituzu.

Ateak zabalik ahaztu zenituen,
ateak zabalik ahaztu zenituen.
Orain ekaitzak menperatu zaitu,
orain ekaitzak menperatu zaitu.

Zure espainak nire odolez
margotu dituzu.
Eta zerua zutaz ahaztu
zela ohartu zinen.

Infernura bueltatzeko
bidea dakizu.
Estoldetan bizitzeko
zure hegoak ebaki, moztu, saldu, erre, hautsi, dituzu.