Ehiza

Zu ehiztari nekaezina,
ni zure harrapakina.
Nire hitzek uzten duten
arrastoaren atzetik zabiltz.

Mozorro berriak
legeak aldiz zaharrak.
Ongi etorri ehiztari,
neu izango nahiz zure...

Ehiza.

Sakratutzat duzun guztia
zalantzan jarri dudalako,
aspalditik zure txakurrek,
nire usaina jarraitzen dute.

Mozorro berriak
legeak aldiz zaharrak.
Ongi etorri ehiztari,
neu izango nahiz zure...

Ehiza.

Nire ahotsa debekatuz
emeki itotzen nauzu.
Dirudienez bada garaia
ehiztariak ehiza bihurtzeko.

Mozorro berriak
betikoen azalean.
Ongi ezagutzen zaitut,
gaur izango zara nire...

Ehiza.