Herrien batasuna

Arbasoak gogoan, gerlarik ez geroan
Gu guztien bideak gida bitza bakeak
Bazter gutarik herra, mirets gauzen ederra
Populuen artean biziz maitasunean
Gu guztien bideak gida bitza bakeak
Egin behar duguna: Herrien batasuna

Zoriona lokarri, jos gaitezen elkarri
Gauden beti alaiak, denak gara anaiak
Jo dezagun aintzina, zainduz ingurumena
Atxik gure mintzairak, aberastuz kulturak

Helburu nagusia baitugu justizia
Handiek dute giltza, ttipien ezagutza
Ttipiak handiekin, herri guztiak berdin
Parekotasunean sar gaitezen legean