Azalpen txikien zama

Logelako leihoan,
ustez bakardadean,
sabaiak atzeman nau
munduari begira.

Aintzat hartu gabeko
bizitzaren keinuak
bueltan datozkit orain,
argibide eskean.

Ikus, ikus dezaket begietan gordeta,
esan, esan gabeko hitzen sakonera,
eman, eman gabeko
azalpen txikien zama,
dardarka.

Amaitzeko zorian
utzitako zubiak
ez dira osatuko
begiratu batean.

Ikus, ikus dezaket begietan gordeta,
esan, esan gabeko hitzen sakonera,
eman, eman gabeko
azalpen txikien zama,
dardarka.