Mundua ederrago

Garai ilunetan
berreskuratu ohi dugu ikusmena
eta lokartuta genituen
gainerako zentzumenen ahalmena.

Badator gelditzerik ez dagoen lurrikara;
isiltasunetik, deiadarra;
geroratu dugun aldaketaren hasiera.

Mundua leku ederragoa da
mareak egunen hondarra irensten duenean,
txiki sentiarazten gaituenean.

Begiratu alboan,
begiratu inguruan, eta urrunera.
Hain urdina da ura
igeri egin ez dugun hondartzetan.

Badator gelditzerik ez dagoen lurrikara;
isiltasunetik, deiadarra;
geroratu dugun aldaketaren hasiera.

Mundua leku ederragoa da
mareak egunen hondarra irensten duenean,
txiki sentiarazten gaituenean.

Mundua leku ederragoa da
mareak oker dagoena zuzentzen duenean,
handi sentiarazten gaituenean.