30

Hamarkadari nahigabe 
esan agur 
egin ohore 

bidean topatu ditut 
une 
forma anitzak 
mila ondorio dotore 
betikotu baitut 
lehen aldien bilduma garden hau 
berriz ere 

behartu naute ta 
ikasten noa 
distiraren anaia dela 
lanbroa 
badatozelako 
ziklo berri baten zirrarak 
ta badoa gauzatu ez den loa 

ta eroso sentitzen naiz, 
saiatzearen nekean 
garuneko atzerritik ikusiz 
bihotza dudala etxea 
ta ezin da beti irri egin 
ezin da iraun penetan 
egun baten hilko naiz baina 
ez behintzat beste denetan