Kontuz, banpiroak!
Arimarik ez duten gizakiak,
isla eta itzalik gabeak,
zukutuko dizkizute barruak,
zurea, jada beraiena.
Azal sendoa garesti
saltzen da merkatu zurian,
begi bakarren erreinuan,
daltonikoen miseria.
Odol egarriz, banpiroak.
Arima xurgatzen, banpiroak.
Mugitzen den ororen jakitunak,
zatitzaile eta banatzaileak.
Trukatuko dizute larrua,
zurea jada beraiena.
Azal sendoa garesti,
saltzen da merkatu zurian,
sormenaren sekretua,
maximizatu besterik ez.
Odol egarriz, banpiroak.
Arima xurgatzen, banpiroak.
