Aizkorak Zorroztu taldeko kideak beren musikan eragina izan duten bi korronteen berezko erritmo, soinu eta egiturekin inprobisatzen hasi ziren 2014ko udaberrian. Hain zuzen, minimalismoa eta afterpunkaren esperimentazioa eta grungeren izaera korrosiboa eta estutasuna izan dira beren eraginak. Taldeak 60ko eta 70eko musika-tresnak erabiltzea du gustuko, horrela, musika organiko eta biziaz gain, sentitzen eta barneratzen dituzten abestiak ere sor ditzaketelako. Horrez gain, taldea zinemazalea ere bada, eta askotan zinemaren mekanismo narratiborik ezagunenak erabiltzen ditu bere hitzen irudiak eta istorioak egiteko, euskaraz beti, 80ko eta 90eko talde euskaldunen eraginarengatik batik bat.

Bere lehenengo kontzertua 2014ko Bilboko Aste Nagusiko Pop-Rock-Metal erakustaldian eskaini zuten. Banden Lehiako finalean egon ziren eta Bilbo Hiria Pop Rock lehiaketako finalerdietan parte hartu zuten. 2016an argitaratu dute lehen diskoa, Apur nazazu.

Aizkorak Zorrozturen begirada kamustuta dagoen aizkora baten xaflaren gaineko isla distortsionatua da: itxuragabekeriaren, errealitatearen ikuspegi deformatuaren eta mundu kaltegarri eta gaixo baten disekzio leialaren artekoa. Makillajerik gabe, eufemismorik gabe.

Atzera

Like artifizialak

Zuz: Ander Pikowsky

Atzera

Elkartasun borroka