Iñigo Hurtadok eta Kristof Saint Georges-ek (13ème Section, Skunk!, Laurel Aitken, Opium Du Peuple…) sortutako taldea da Fergusons. Lehen diskoa Euskal Herrian grabatu dute, betiko adiskideek lagundurik: Iñaki Plaa baterian (Skunk!, ODP, Smoke Deluxe) eta Mika Garcia gitarran (ODP, Smoke Deluxe). Frantsesez, euskaraz, gazteleraz eta ingelesez kantatzen dituzte beren abesti intimistak. Taldekideen hitzetan, “errukirik gabe bere haurrak erailtzen dituen mundu ero baten aurka bihotzetik jalgitzen den oihu bat da Fergusons”.
