6nemen9

90eko hamarkadaren hasieran Elgoibarren (Gipuzkoa) sortutako pop alternatiboko taldea da 6nemen9. Martxelo Mendizabal (bateria), Josu Iriondo (baxua), Alberto Gonzalez (gitarra), Asier Etxaniz (gitarra) eta Mikel Cornejo (abeslaria) ziren taldekideak. Lehen maketarekin Euskadi Gazteako lehiaketa irabazi zuten 1994an. Ondoren beste maketa bat eta Pop-atic (1998) diskoa grabatu zituzten, biak Little Fish teknikariarekin. Diskoa kaleratu eta berehala desegin zen taldea.